பொருள்கள் ஹைக்கூ
ஆயிரம் கொன்றார்கள்
ஆயிரம் தந்தார்கள்
பட்டுப்புடவை
*****
நடிகையின் பெயர்கள்
எங்களுக்கு அங்கீகாரம்
புடவைகள்
******
உருகுவேன் என்று அறிந்தும்
எரித்தார்கள், ஒளிர்ந்தேன்
மெழுகுவர்த்தி
*******
ராஜாக்கள் ராணிகள் கனவான்கள்
சில மணித்துளிகள் மட்டும்
வாடகை துணிகள்
*****
எங்களை விட்டு சென்றால்தான்
கடவுளைக் காண முடியும்
காலணிகள்
******
மரங்கள் கொன்ற நாங்கள்
கறைகள் படபட மதிப்புக் கூடுதே
காகிதம்
*****
மதிப்பில்லை இங்கே
சுத்தம் என் தொழில்
துடைப்பம்
******
மூன்றாவது விசிலுக்கு ஒடி வர
எங்கள் ஒப்பந்தம்
குக்கர்
******
ஊருக்கு தெரியாதவர்கள்
அவசியம் அதிகமுடைவர்கள்
உள்ளாடைகள்
*****
வலைக்கு உள்ளே வா
உனக்கு பாதுகாப்பு தருகிறேன்
கொசுவலை
- செல்வா
