காதலியும் மனைவியும்
மனைவியுடன் காதலியை ஒப்பிட
ஓராசை ஓட
கவியாய் மலர
மாயத்தில் மயங்கினேன் காதலியிடம்
மந்திரத்தில் கட்டுப்பட்டேன் மனைவியிடம்
காதலுடன் களவும் கலந்ததுள்ளதால்
மனம் காணும் சாகசம்
கனவுடன் காலம் கொள்ளும்
மனையில் பொறுப்புடன் நின்றதால்
மனதில் தட்டுப்படும் சிறு ஆயாசம்
கவலையும் கனவை முந்தும்
காதல் வருவதை நினைத்து வாழும்
கற்பனையில் வாழ்வும் வளையும்
இல்லறம் இருப்பதில் இருப்பு காணும்
நிஜத்தில் வாழ்வும் நிலைக்கும்
காதலி கற்பனையின் மஞ்சனம்
மனைவி நிஜத்தின் நிதர்சனம்
கற்பனையில் மட்டும் வாழவில்லை
கற்பனையல்லா வாழ்வும் சலித்திடும்
கனவுகள் மெய்ப்பட
காதலியை மனைவியாக்கு
வாழ்வு சிறப்புக்கொள்ள
மனைவியை காதல் கொள்
- செல்வா
