பிரித்தானியா
மேற்குலகின் இராஜகிரீடம்
இவள் ஆசியனின் கனவுக்
கல்விக்கூடம்
எங்களின் வளங்களால்
அன்று நீ உருக்கொண்டாய்
உன் அபிவிருத்திப் பாதையிலே -எங்கள்
வளங்களை நீ அள்ளிக்கொண்டாய்
ஆதிக்கமாய் அடிபதித்தாய்
ஆட்சியிலே அடக்கிவைத்தாய்
மன்னராட்சி முடித்து வைத்தாய்
மகாராணிபோல் நடந்து கொண்டாய்
வெள்ளையனே வெளியேறென்று
வீரம் கொண்டு விரட்டி அடிக்க
எஞ்சியதை சுருட்டிக் கொண்டு
எச்சங்களைக் கக்கிச் சென்றாய்
மிச்சமாய் நீ விட்டுச்சென்ற
எச்சங்களின் ஆதிக்கத்தில்
நிண்டு நாம் நீளுகின்றோம்
நிலை மாற்ற முயற்சிக்கின்றோம்
