கஜல் துளிகள் 2

கல்லிலும் நீருண்டு அறிந்தேன் உன்னால்
நீரிலும் கள்ளுண்டேன் உன் நினைவாலே

மழைத்துளிகள் ஒவ்வொன்றிலும் உன் முகம் தெரியுது
ஒவ்வொரு துளியிலும் என் இதயம் நனைகிறது

கண்ணே தாகங் கொண்டு பருக வந்தேன் காதல் நீர்
நாவற்று தவித்தேன் உந்தன் காதல் கானல் நீர்

கண்டேன் பார்வையின் ஓரம் நெஞ்சில் ஏறுதே பாரம்
சென்றாய் வெகுதூரம் கண்ணில் இன்னும் ஈரம்

வானவில்லின் வண்ணத்தின் அழகோ கண்ணில்
வானவில்லின் மறைவின் வலியோ மனதில்

காதல் கார்மேகங்கள் மூடும் என் வானம்
மனமோ உன் காதல் மழை காணா பாலைவனம்

- செல்வா