விடுதலை
விடுதலை
சென்னை வெய்யிலின் தாக்கம் குறையத் தொடங்கிய மாலை நேரம் அது. கையில் புகையும் சிகரெட் மகேஷ்க்கு இருமலை வரவைத்து தன்னை எச்சரிக்கை செய்வதை சிறிதும் பொருட்படுத்தாமல், காற்றில் தனது எதிர்காலத்தை தேடிக்கொண்டிருந்தான்.
இந்த சிகரெட் பழக்கம் , தான் வேலை செய்யும் எம்.என்.சி-யின் முதல் வாரத்தில் மகேஷ்க்கு கட்டடயமாகப் பட்டது. பின்பு ஐ.டி வேலைகளின் இலவச இணைப்பான மன அழுத்தம் அவனை சிகரெட்டோடு நெருங்கி உறவாட வைத்தது.
அப்போது தேவை எதுவும் இல்லாமல் இருப்பினும் ஸ்மார்ட்போனின் லாக்-ஐ ரிலீஸ் செய்தான். அந்த வினாடியில், 'காதல் கனவே' ரிங்டோனோடு நந்தினியிடமிருந்து அழைப்பு வரவே, ஏதோ அவளே நேரில் வந்ததுவிட்டது போல பதறி சிகரெட்டை காலின் கீழிட்டு மிதித்தான்.மகேஷ்க்கு நிச்சயிக்கப்பட்டிருக்கும் பெண் அவள்.
ஆம், நாளை அவள் வரவோடு சிகரெட்டிலிருந்து விடுதலையும் வரலாம்.
