ஹைக்கூ கவிஞர் இரா இரவி
ஹைக்கூ ! கவிஞர் இரா .இரவி !
நாடகம் அரங்கேற்றம்
பல கோடிகள் திருடனுக்கு
சில நிமிடங்களில் பிணை !
எல்லா வழியிலும் போராடி
கிட்டவில்லை வெற்றி
விரக்தியில் விவசாயிகள் !
நேரமில்லை
உழவர்களைப் பார்க்க
வெளிநாடு பயணம் !
யாரும் யாருக்கும்
சளைத்தவர்கள் அல்ல
ஊழல் புரிவதில் !
எரிபொருள் விலை
கூடக் கூட
எரிகிறது மனம் !
எதுவும் செய்வார்கள்
அரசியல்வாதிகள்
பதவி சுகத்திற்கு !
கூரையில் தீ வைப்பவன்
நல்ல மகன் கதையாய்
அரசியல் !
.
சின்ன மீன் போட்டு
தங்க மீன் பிடிப்பு
அரசியல் !
கேலிக் கூத்தானது
உலக அரங்கில்
தேர்தல் !
நடுவதோடு சரி
பராமரிப்பதில்லை
மரம் !
பறிக்காமல்
உதிர்ந்தன
பூக்கள் !
