தோழியின் நட்பு
பெண்களின் நட்பு என்றுமே அழகு....
நட்பின் ஆழத்தில்; ஆண் பெண் ஏதடி?
பாலினம் கண்டு தான் பழகிட கூடுமோ?
காதலும் காமமும் காணாத உறவெது?
தோழியே உன்னிடம் நான் கொண்ட நட்பது!
தங்கையைப் போலவே சண்டைகள் போடுவாய்;
காதலி போலவே பாசமும் காட்டுவாய்!
தோழனின் நட்பிலே தைரியம் வந்தது;
தோழியே உன்னிடம் தாய்மையும் சேர்ந்தது!!
எதிர்பார்ப்பு ஏதுமில்லா பழகிடும் ஓர் உயிரது ,
எங்கிருந்தோ என்வாழ்வில் வரமாக வந்தது!
அவள்..
பாரம் தாங்கும் தோள்கள் தந்தவள்,
என் கண்ணீர் துடைக்கும் கைக்குட்டை ஆனவள்!!
நாளை ஒருவர்க்கு....
மகளாக , மருமகளாக...
துணையாக , தாயக நீ மாறிடலாம்!
ஆனால்,
உன் உறவுகள் மாற்றம் கண்டாலும்
நம் நட்பினில் மாறுதல் கிடையாது!
ஆண் பெண் நட்பினை ஏளனம் பேசுவர்!
இங்கே யார் அறிவார் நாம் கொண்ட பந்தம்?
தோழியே..
என்றுமே நீ என் இரத்தத்தில் சேராத சொந்தம்!!
