மதிப்பிற்க்குரிய சட்டமன்ற உறுப்பினர் அவர்களுக்கு,
மதிப்பிற்க்குரிய சட்டமன்ற உறுப்பினர் அவர்களுக்கு,
இமயம் தொட முயற்சிக்கும் ஒரு தமிழ் இளைஞனின் மின்னஞ்சல் கவி அமீரகத்திலிருந்து..!
கனவு தொலைத்து
கடல் தாண்டி
ஈச்ச மரத்து
ஈ-க்களுக்கு மத்தியில் நானும் ஒருவன் !
இடம் பெறவில்லை
வாக்காளர் பட்டியலில்
இடம் பெற்றிருக்கிறேன்
அந்நிய தேச வருமானத்தின்
சேமிப்பின் ஓரத்தில்
நொடிகளில் முற்றுப்புள்ளி
இட்டுவிடுவேன்
காலத்தை
விரையம் செய்யாமல்
மின்னஞ்சலிற்க்கு !
கலாமின் கனவுலகில்
கனவு தேசமொன்றை
நினைவாக்க துடிக்கும்
இளைஞர்களின் எழுச்சிக்குரலில்
இதுவும் !
வேண்டுகிறேன் நானும் !
கல்லூரிச்சாலையில்
கள்ளுக்கடைகள்
களையப்பட வேண்டும் !
கள்ளுக்கடைகளை விட்டு
கல்லூரிகளை அரசு
சுமைதாங்க வேண்டுகிறேன் !
மலர்ந்து மறைந்து போன
மழை நீர் சேகரிப்பு
மீண்டும் இம்மண்ணில்
வேண்டுகிறேன் !
கார் கம்பெனிகள்
கடையநல்லூரிலும் கட்டப்பட
வேண்டுகிறேன் !
விளை நிலங்கள்
வீடாகாமல் தடுக்க
வேண்டுகிறேன் !
பசுமை தொகுதியென்று
பாராளுமன்றமும் பேச
வேண்டுகிறேன் !
உலக கோப்பையில்
தமிழன் ஒருவனாவது...?
நிலைமாற வேண்டுகிறேன் !
கடையநல்லூரிலும் ஒருவன்
கால் பதித்திருக்கிறான் என்று !
மகளிர்கென அரசுக்கல்லூரி
கவலை கொண்ட பெற்றோர்களுக்காக
வேண்டுகிறேன் !
மதங்கள் கடந்து
மாற்று திறனாளிக்கும்
மறுவாழ்வளிக்கும்
”அமர் சேவா சங்கம்”
மேலும் வளம் பெற
வேண்டுகிறேன் !
ஐந்தாண்டுகளில்
அமைச்சரவையே
நலம் பெற செய்த
சட்டமன்ற உறுப்பினர்
என்ற செய்தி வேண்டுகிறேன் !
வேண்டுகிறேன்..!
இன்னும் நலன்கள் பல!
தங்கள் நலம்
எங்கள் நலத்தால்
வளம் பெற
வேண்டுகிறேன் !
அடுத்த தேர்தலிலாவது
நானும் வாக்களிக்க
வேண்டுகிறேன் !
எனது மின்னஞ்சலிற்க்கு
எழுந்து நின்று நிமிடம்
இரண்டு அஞ்சலி செலுத்தாமல்
செயல்படுத்துவீர்கள்
என்றதோர் நம்பிக்கையில்
துடித்துக் கொண்டிருக்கும்
இளைஞர்களில்
நானும் ஒருவன்
தமிழன் !
எனது மின்னஞ்சலிலோ, அதை வெளிப்படுத்தியதிலோ ஏதேனும் தவறு இருப்பதாகின், மன்னிக்க வேண்டுகிறேன்.
தங்களின் பொன்னான நேரம் செலவழித்ததற்கு நன்றி சட்டமன்ற உறுப்பினர் அவர்களே..!
என்றென்றும் வேண்டுகிறேன்
செல்வன். மா.மணிகண்டன்
ஆய்க்குடி,
கடையநல்லூர் சட்டமன்ற தொகுதி
(தற்பொழுது அபுதாபில்)
