நண்பனுக்காக

நித்தமும் விடியும்... விடியும்பொழுதும் மறையும்...
யாவரும் அறிந்த ஒன்றே

உன்னிடமிருந்து ஒரு குறுஞ்செய்தி வந்தால்
மட்டுமே என்னுடைய காலைப்பொழுது மலரும்
உன் நினைவைச் சுமந்தே என் நாள் இயங்கும்

இருளை முத்தமிட்டு இப்பூமி துயில் கொள்ளும்
உன்னுடைய இரவு வணக்கத்தை என் அலைப்பேசி
தொட்டு தழுவி எனைத் தூங்க சொல்லும்

தினமும் உணவு உட்கொள்வது போல் சுவாசிப்பதுபோல்
என் அன்றாட வாழ்வில் கலந்த ஒன்றை இறுதி
மூச்சு உள்ளவரை தொடர வேண்டும்