எந்தன் நிலா

வான்நிலா அது வட்டநிலா
வசந்தங்கள் பொழிந்திடும் வெண் நிலா
பொன் நிலா என் நிலா பெண் நிலா
பொல்லாத பார்வையில் கண் நிலா

வேகத்தை என்னுளே தந்த நிலா
வேதனை சோதனை வென்ற நிலா
மோகத்தை தாகத்தை ஈன்ற நிலா
மோகனம் வீசிட வந்த நிலா

அல்லியை போன்று மலர்ந்த நிலா
அள்ளி அணைத்திடும் வசந்த நிலா
சொல்லிப் பயனில்லா நெஞ்ச நிலா
சொல்லாமல் உறவுகள் கொண்ட நிலா

தூணாக துணையாக நின்ற நிலா
துன்பத்தை துடைக்கின்ற வெள்ளி நிலா
தேனாக இனிக்கின்ற காதல் நிலா
தென்றலாய் வீசுகின்ற எந்தன் நிலா.