நீ, நீயாய் என்னவளாய் எப்போதும் என்னுடன்

அன்று நீயும் நானும்
'ஊட்டி மலர்க காட்சியில்'
கைகோர்த்து சுற்றி திரிந்தோம்
பட்டாம்பூச்சிகள் போல்,
வானில் தோன்றிய வானவில்லை
தொட்டுவிட ஆசைப் பட்டது
நம் மனது, காதலால் தூண்டப்பட்டு;
வானவில் மறைந்தபோதுதான்
நாம் மண்ணில் இருப்பது உணர்ந்தோம் ;
காதல் மயக்கத்தில் நாம்...............
அங்கு ஓர் இடத்தில் சட்டையில்
நமது 'புகைப்படத்தை.பதிவு
செய்து உடனடியாய்த் தருவது
கேள்விப்பட்டு , அங்கு சென்று
என் வெள்ளை சட்டையில்
'என் புகைப்படம், உன் டீ-ஷர்ட்டில்
உந்தன் புகைப்படம் என்று
எடுத்துக்கொண்டோம் '

என்னவளே, இன்று நீ இல்லை
ஆனால் நீ என்றும் என் உள்ளத்தில்
உறைகின்றாய் என்னவளாய்
அதில் மற்றோர் பெண்ணிற்கு
இடமே இல்லை எப்போதும்
இதோ உன் புகைப்படம் கொண்ட
நீ எனக்களித்த உன் சட்டையில் நீ ,
உன் நினைவாய் என் பொக்கிஷமாய்
அது இப்போது என்னிடத்தில்
உன் நினைவாய், நீ இல்லா இடத்தில்
நீயாய் இருந்து நீ இல்லா தனிமையில்
உனைக் காணவைக்கிறது
இது போதும் உன் நினைவில்
என் காலமெல்லாம் வாழ்ந்து
முடிப்பேன் உன் நினைவில் என்னவளே.