தண்ணீர்
தண்ணீர்!
கவிஞர் பொன்விலங்கு பூ.சுப்ரமணியன்
கடல் நீரைக்கொண்டு செல்லும்
கருமேகக் கூட்டங்களே...
குடிநீருக்கு ஏங்கும்
உயிரினங்கள் கூக்குரல்
உனக்கு கேட்கவில்லையா?
விண்ணில் தவழும் மேகங்களே...
நீ ஆனந்தக் கண்ணீர் வடித்து
நாங்கள் நீருக்காக
வடிக்கும் கண்ணீர்
துடைத்து தாகம் தீர்ப்பாய்!
வானில் விளையாடும் மேகங்களே
மண்ணில் ஓடும் மழைநீரில்
காகிதத்தில் கப்பல் செய்து
களிப்புடன் விளையாட
சிறுவன் கண்கள் காத்திருக்கின்றன !
விண்ணில் ஓடும் மேகங்களே
வளைந்தோடிய வற்றிய நதிகள்
வாடிய வறண்ட ஏரிகள்
வெடித்த விளைநிலங்கள்
உன் கண்ணீர் பூக்களின்
வருகைக்காக காத்திருக்கின்றன!
கவிஞர் பொன்விலங்கு பூ.சுப்ரமணியன்
வன்னியம்பட்டி, ஸ்ரீவில்லிபுத்தூர் வட்டம்
