பெருமாளும் மாலும்

பெருமாளிடம் பக்தர்கள் கூட்டம்
மாலிடம் வாடிக்கையாளர் கூட்டம்

பெருமாளிடம் பக்தி சுரக்கிறது
மாலிடம் மகிழ்ச்சி பிறக்கிறது

பெருமாளிடம் கோரிக்கை வரம்
மாலிடம் கேளிக்கை வியாபாரம்

மனம் பேசுகிறது பெருமாளிடம்
பணம் பேசுகிறது மாலிடம்

தரிசிப்பவர் கும்பிடுவது பெருமாள்
தரிசிப்பவரை கும்பிடுகிறது மால்

நிறைய ஸ்தலங்கள் பெருமாளிடம்
நிறைய தளங்கள் மாலிடம்

கருட வாகனம் பெருமாளுக்கு
கரண்ட் வாகனம் மாலுக்கு

மனபாரம் இறங்குது பெருமாளிடம்
பொருள் பாரம் ஏறுது மாலிடம்

நடைசாற்றல் உண்டு பெருமாளிடம்
கடைசாற்றல் உண்டு மாலிடம்

லட்டு பிரசித்தம் பெருமாளிடம்
துட்டு பிரசித்தம் மாலிடம்

முடி கொடுக்கிறார்கள் பெருமாளிடம்
முடி திருத்துகிறார்கள் மாலிடம்

காணிக்கை குவிகிறதுபெருமாளிடம்
காண்பவை விரிகிறது மாலிடம்

ஜிஎஸ்டி விதிப்பதில்லை பெருமாள்
ஜிஎஸ்டி இழப்பதில்லை மால்

அருள் தேடுவது பெருமாளிடம்
பொருள் தேடுவது மாலிடம்

அண்ணாச்சி புலம்பல் பெருமாளிடம்
அனைவரும் குவியுராரே மாலிடம்

ஆங்கிலத்தில் எழுத

மீண்டும் தமிழில் எழுத

இந்த பொத்தானை அழுத்தவும்.