ஆயினும்

இருபத்தி ஏழு நாடுகள் சுற்றி வந்துள்ளேன்
லட்சங்களில் வருமான வரி கட்டுகிறேன்
ஈத்தேனின் மூலக்கூறு அமைப்பு அத்துப்படி
ஐந்தெழுத்து நாயகனின் நட்பு உண்டு
சுஜாதா நாவல்களின் முடிவை
முதல் பக்கத்திலே யூகம் கொள்கிறேன்
அவ்வப்போது இறகுப்பந்து ஆடுகிறேன்
சென்னைக்கு மிக அருகாமையில்
மூன்றடுக்கு குடியிருப்பும் வாங்கியாயிற்று

ஆயினும்
என்னை கண்டால் கீச்சென்ற சத்தத்தோடு
விலகி தான் பறக்கிறது சிட்டுக்குருவி

$வினோ...