உயிரால் தமிழ் உயிரால் ஒரு காதல்
அன்பாய் ஒரு வருடல்...
ஆதரவாய் ஒரு தழுவல்....
இன்பமாய் ஒரு உரசல்....
ஈரமாய் ஒரு முத்தம்....
உரிமையாய் ஒரு ஊடல்-அந்த
ஊடலுக்குப்பின் ஒரு கூடல்...
எதிர்பாராத சில காதல் ....
ஏற்காத பல கானல்......
ஐயமாய் ஒரு தேடல்- காதலோடு
ஒற்றை விரல் பற்றி..
ஓராயிரம் தூரம் போதல்...
ஔடதமாய்..
என் மனக்காயத்தில்..
காதல் விரல் தீண்டல்....
இதுதான் உயிர் மெய்யுடன் சேரல்...
உயிரால் ஒரு காதல்....
தமிழ் உயிரால் ஒரு காதல்...!
