பணம் படைத்த ஜென்மம்
பணம் படைத்த ஜென்மம்
குணம் படைப்பது இல்லை
குணம் படைத்த ஜென்மத்திற்குப்
பணம் கிடைப்பது இல்லை
பணமா குணமா என்ற
போராட்டத்தில் எப்போதும்
தோல்வி பக்கம் இருக்கிறது
பாழாய்ப் போன குணம்
கொட்டக் கொட்ட நம்
குனியும் பழக்கம்
நாளடைவில் வாங்கி தருகிறது
அடிமை என்ற பட்டத்தை
எப்படியோ தெரியவில்லை
வங்கிகள் வெளியிட்ட பணம்
தேடிப் போய்ச் சேருகிறது
இப்படிப்பட்ட முதலையிடம்
கட்டுக் கட்டாகப் பணம் இருந்தும்
கடுகளவும் இருப்பதில்லை
இரக்கக் குணமும்
இளகிய மனமும்
விசித்திரமான உலகம் இது
இறைவன் படைத்தது உண்மைதான்
வாழும் போதே நரகம் அனுபவிக்கப்
பணத்தை மட்டும் தேடு போதும்
வாரம் தவறாமல் செய்யும்
பூஜையின் காரணத்தாலோ என்னவோ
கடவுளின் கண்ணும்
கட்டியே கிடக்கிறது
கடைசிவரை நாங்கள்
கைக்கட்டி வாய்மூடிய
அடிமை தானா????
வடுவில் வடியும் குருதியில்
என்னைப்போல் பலர் இங்கு
பாண்டிய ராஜ்
7868062287
9543625422
