மாடர்ன் விநாயகர் - நேரிசை வெண்பாக்கள்
நேரிசை வெண்பாக்கள்
மாய வினைதீர்க்கும் மாடர்ன் விநாயகன்
ஏய உணர்விக்கும் என்ஐயன் - தூயவழி
காட்டுவான் நீயவனை கண்டிப்பாய் நேயமன
மேட்டிலே வைத்து வணங்கு! 1
மாடர்ன் விநாயகனை நம்மனத்தில் வைத்தபடி
பாடலால் பூசித்துப் பாதத்தை - நாடிட
நன்மையெலாம் தந்தருளும் நாயகனை நம்மனதில்
என்றுமே வைப்போம் இனிது! 2
எழிலான மாடர்ன் விநாயகன் என்றும்
அழியாப் புகழ்தருவான் ஆசி - வழங்கியே;
ஆணவத்தை நீக்கி அழியாப் புகழோடு
நாணயமாய் வாழ்வோம் நயந்து! 3
விநாயகர் பட உதவி - தினமலர்
