இதயங்கள் இணைந்தால்
இதயங்கள் இணைந்தால்...
🌺🌺🌺
தொடுவானம் தாண்டி
தொலை தூரம் கடந்தாலும்
மெலிதாக செவி வீழும் - நின்
சிறு பெயரும் சிலிர்க்கச் செய்யும் ;
ஓயாத கடலலையாய் - நின்
நினைவலைகள் நெஞ்சகச் சுவர்தாக்கும் ;
நிலைகுத்தி நிற்கின்ற
விழியிரண்டில்
நெடிதுயரும் - நின்
சிற்றுருவம் வானம் வரை ;
எண்ணங்கள் ஒன்றாகி
இதயங்கள் இணைந்தாலே
தூரங்கள் இல்லாத
காலங்கள் விடிந்திடுமே!!
-யாதுமறியான்.