மண் வாசனை வீசும்
கோடை காலத்திலும்
குடை பிடிக்க வைக்கும்
கருத்த மேகங்களின்
கொண்டாட்ட ஆட்டங்கள் ,
வானவெளி வைபவம் போல
விண்ணில் அரங்கேறும்
இடி முழக்கக் கச்சேரி
ஒலி, ஒளிக்கு பஞ்சமில்லை
இந்த இடியும் மின்னலும்
இயற்கை ஆற்றலின்
சிறு வடிவங்கள் என்றாலும்
சிறு பிள்ளைகள் பயந்து
சிதறி ஓடி ஒளியும் ,
காட்டு சிங்கக் கர்ஜனைபோல்
குலை நடுங்க வைத்து
நிலை குலையச் செய்யும்
விண் பார்க்க சிறு துளியாய்
மண்ணில் தடம் பதிக்கும்
மழை நீர் , மண்ணை
முத்தமிட்டு மகிழும்
தாவரங்கள் புத்துயிர் பெற்று
தலை நிமிர்வதைக் கண்டு
பூரிக்கும் பூமிக்கும்
மண் வாசனை வீசும்
