பட்டுவண்ணச் சேலைதனில் வட்டநிலா வந்தாயோ
எழுஞா யிறுவான் எழுந்திடும் நேரம்
உழுவன்ஏர் கொண்டு உழுதிட ஏகிட
சிட்டுக் குருவிகள் செவ்வானில் ஊர்ந்துயர
வட்டநிலா நீயிங்கே வந்தாயோ நாற்றுநட
பட்டுவண்ணச் சேலை தனில்
------- பஃறொடை வெண்பா
எழுஞா யிறுவான் எழுந்திடும் நேரம்
உழுவன்ஏர் கொண்டு உழுதிட ஏக
பழுதிலா பட்டாடைப் பாவைநீ வந்தாய்
கழனிக்கு கஞ்சி சுமந்து
-----இன்னிசை வெண்பா
சிட்டுக் குருவிகள் செவ்வானில் ஊர்ந்துயர
வட்டநிலா நீயிங்கே வந்தாயோ நாற்றுநட
பட்டுவண்ணச் சேலை தனில்
----சிந்தியல் வெண்பா
மொட்டவிழும் இளங்காலை மென்பொழுது வேளையிலே
சிட்டிளம்பூங் குருவிகளும் செவ்வானில் ஊர்ந்துயர
வட்டநிலா நீயிங்கே வந்தாயோ நாற்றுநட
பட்டுவண்ணச் சேலைதனில் பசுமையெழில் நாற்றங்கால்
---கூவிளங்காய் காய் காய் காய் கலிவிருத்தம்
