பெரியோரிடம் நடந்து கொள்ளும் முறை - ஆசாரக் கோவை 28
இன்னிசை சிந்தியல் வெண்பா
இருகையால் தண்ணீர் பருகா ரொருகையாற்
கொள்ளார் கொடாஅர் குரவர்க் கிருகை
சொறியா ருடம்பு மடுத்து! 28
- ஆசாரக் கோவை
பொருளுரை:
இரண்டு கைகளாலும் அள்ளித் தண்ணீர் குடிக்கக் கூடாது.
பெரியோர் கொடுக்கும் பொருளை ஒரு கையினால் வாங்கக் கூடாது.
பெரியோர்க்கு எப்பொருளையும் ஒரு கையால் கொடுக்கக் கூடாது.
இரண்டு கைகளையும் வைத்து உடம்பில் சொறியக் கூடாது.
கருத்துரை:
தண்ணீரை இரு கையாலும் குடிக்கலாகாது. பெரியோரிடம் ஒன்றைப் பெறும் பொழுதும், கொடுக்கும் பொழுதும் இரு கையாலேயே வாங்கவும் கொடுக்கவும் வேண்டும். உடம்பை இரு கைகளாலும் சொறியலாகாது.
