யாரைப்பார்க்கச் செல்கிறீர்கள்.? பொள்ளாச்சி அபி
-தூதுக் குழுவினரே..
யாரைப் பார்க்கச் செல்கிறீர்கள்..?
அவனொரு போர்க்குற்றவாளி,
-பாதுகாப்பிற்கு துப்பாக்கி
எடுத்துக் கொள்ளவும்..!
அவனொரு மனிதமிருகம்,
-மயக்கமருந்தும் ஊசியும்
எடுத்துக் கொள்ளவும்..!
அவன்தெற்காசியாவின் ஹிட்லர்,
-தூக்குக்கயிறும் விஷமும்
எடுத்துக் கொள்ளவும்..!
அவன் சொந்த நாட்டுமக்களை
தினமும் கொல்பவன்,
-அவனைக் கொன்று
வீதியில் சடலத்தை வீசவும்..!
அவன் அண்டை நாட்டு அதிபரும் கூட..,
-அப்படியானால் விலையுயர்ந்த
பூங்கொத்துக்களை கொண்டு செல்லுங்கள்..
அண்டைநாடுகளோடு நல்லுறவுதான்
நமக்கு மிகவும் முக்கியம்.!-
