முல்லைவாசன் - சுயவிவரம்
(Profile)
வாசகர்
| இயற்பெயர் | : முல்லைவாசன் |
| இடம் | : |
| பிறந்த தேதி | : |
| பாலினம் | : |
| சேர்ந்த நாள் | : 06-May-2014 |
| பார்த்தவர்கள் | : 57 |
| புள்ளி | : 14 |
மவுனங்களின் இடைவெளியை
குறைப்பது யார்?
சளைக்காத போட்டி
சம நிலையிலேயே முடிகின்றது.
உனக்கும் எனக்குமான
காதல் சுடருக்குள்
கருவட்டம் விழாத வரை
ஒருவரை ஒருவர்
விரும்பிக் கொண்டே இருப்போம்
உனது
எண்ணங்களின் தொகுப்பில் நானும்
எனது
எண்ணங்களின் தொகுப்பில் நீயும்
எப்போதும் வாழ்வோம்
மனசு நிறைந்தவர்கள்
மட்டுமே
மண்ணில் வாழ்பவர்கள்
பாகுபாடுகள் பார்க்காமல்
பரவி விடுகின்றன வேர்கள்
வேர் பற்றை
நம்மால் பின்பற்ற முடியவில்லை
அடையாளங்களை
விரும்பாமலேயே வேர்கள்
வியாபித்து வியாபித்து
காற்றையும் நிழலையும்
வாரி வழங்குகின்றன.
திசைகளை பிரிக்காமல்
வேர்கள் திண்மையோடு இருக்கின்றன
விதவிதமான பிரிவினைகளால்
நமது வானத்திலும் பூமியிலும்
விரிசல்கள்.
மண் பிடிக்கும் வேராய்
மலர் பிடிக்கும் கிளையாய்
பூச்சுக்கள் அற்று இருப்போம்
மெருகுகள்
எப்போதும் கருகும்.
இன்றுவரை
குழந்தை மனசு கைகூடாமல்
மழலைப் பருவத்தின் பிசிறுகளோடு
விழுந்து எழுந்து
போய்க் கொண்டு இருக்கிறோம்.
வேட்டை நாயின்
அதே தயார் நிலை
தயவு செய்து
அருள் கூர்ந்து
முகஸ்துதி
ஒப்பனைகளோடு
இரண்டறக் கலந்து விட்டோம்
எந்த துர்பாக்கியத்தின்
தாக்கத்தில் நாம்
பின்தங்கிவிட முடியும்?
ஓட்டமும் நடையுமாய்
வடிவமைக்கப்பட்டு விட்டோம்
நின்று நிதானிக்க நேரமில்லை
ஓடுபாதையில்
ஒவ்வொரு கணமும் போராட்டமே.
விடுபடத்தான்
விரும்புகிறோம்
விருப்பங்களைத் தாண்டிய
கட்டாயங்கள்
எப்போதும் துரத்துகின்றன
ஒவ்வொரு கட்டமும்
நிறைவடையாமல்
அடுத்த கட்டத்தில்
வந்து சேர்கின்றன
பாறையின் இடுக்குகளில்
வேரின் பற்றாய்
வாய்க்கும் சிறு கணங்கள்
தவிக்கவும் துடிக்கவும்
தயவின்றி விரட்டுகின்றன.
காலையில் நாங்கள் தட்டும்
கடப்பாறையின்
ஓசையில்தான் அந்த கதிரவனே
கண் விழித்துக் கொள்கிறான்.
நாடாக்கள்
பாடும் போதெல்லாம்
நாங்கள் ஆடுகிறோம்.
எங்கள் பாதங்கள்தான்
மாறி மாறி மிதிக்கின்றன
ஆனால்
எங்களுக்கான பாதைகள் மட்டும்
மாறாமலிருக்கின்றன.
ஆள்பாதி ஆடைபாதி
பழமொழி
பழக்கப்பட்டதுதான்
ஆனால்
நாங்கள் ஆள் மட்டும்
பாதியாய் போய்விட்டவர்கள்
ஆடை ஆடையாய்
“நெய்து நெய்தே”
இழைக்கு இழை
மணமுடித்து வைக்கும்
பதிவுதி திருமணத்தை எங்கள்
மனைவி முதல் சகோதரி வரை
செய்து வைக்கின்றார்கள்.
மழை ! கவிஞர் இரா .இரவி !
வானிலிருந்து விழுந்தும்
காயம் இல்லை
மழை !
.
துயரம் தீர்ந்தது
தூய்மைமிகு தூய
மழை !
வெப்பமயமாதலை
தடுத்து வென்றது
மழை !
கொளுத்தும் கோடையை
குளிராக்கி மகிழ்வித்தது
மழை !
கடலிலும் பொழிந்தது
மீன்களும் மகிழ்ந்தன
மழை !
வாடிய பயிர்களின்
வாட்டம் போக்கியது
மழை !
உதிர்ந்த இலைகள் மீண்டும்
துளிர்த்தன மரங்களில்
மழை !
வராது வந்தது
வரமாகப் பொழிந்தது
மழை !
பூமி குளிர வானம் அனுப்பிய
ஜீவ அமிர்தம்
மழை !
பஞ்சம் போக்க பசுமை செழிக்க
வந்த சீதனம்
மழை !
உலகப்போர் தவிர்க்க
உலகத்திற்கு செய்த உதவி
மழை !
கொட
