தாயைக் கண்ட நொடியில்
இரண்டாகவும்
தாரத்தைக் கண்ட நொடியில்
இருபதாகவும்
மாறும் மந்திரச் சொல்
- அகவை

மேலும்

கைக்கிளையாய்
பரிணமித்து

பின்

புரிதலும்
இருத்தலும்
இரங்கலும்
ஊடலும்
கூடலுமாய்

வளர்ந்த
நம் அன்பை

இறுதியில்
பெருந்திணையென

பாலையின்
உரிப்பொருளை
பரிசளித்ததேனோ
என் தலைவனே !!!

மேலும்

பனித்திரை முழுதாய்
விலகாத அதிகாலைப் பொழுது
குளிர் உயிரின்
வேர் வரை பரவ

பச்சை பசேலென்ற
வயல் வெளி
விழிகளுக்கு விருந்திட

பசியால் சத்தமிட்ட என்
இரைப்பையும் தன்னை மறந்தது
பிறந்த மண்ணில்
பாதம் பட
புதிதாய்
புத்தம் புதிதாய்
பூத்தது மனம்

உணர்ந்த சிலிர்ப்பை
உரைத்திட வார்த்தைகள்
என் நாவிலும் விரலிலும்
தந்தியடித்த போதிலும்

மீண்டும்
இயந்திர வாழ்க்கைக்குள்
இழுக்கப்பட்ட வாழ்க்கையில்
மனம்
தந்தியடித்தே
தந்தியடிக்கிறது ..........

மேலும்

சமஸ்கிரித சதியில் சிக்காதவன்
இந்தி திணிப்பில் தினராதவன்
ஆங்கில மோகத்தில் மூழ்காதவன்
இணைய வலையில் விழாதவன் ..

வெடிகுண்டு வெளிச்சத்தில் வெண்பா வரைந்தவன்
ஷெல்லின் ஒளியில் ஷெல்லியை மிஞ்சியவன்
கந்தக காற்றிலும் கண்ணியம் தவறாதவன்
வல்லரசுகளின் இடையில் நல்லரசு அமைத்தவன் ..

முள்வேலிக்கு பின்னாலும் தமிழ்சுவாசம் சுவாசிப்பவன்
வள்ளுவன் புகழைப்போல் ஓங்கி நிற்பவன் -தமிழ்
பல வேடிக்கை மொழிகளைப் போல்
நான் வீழ்வேன் என நினைத்தாயோ !!!


-விஜய்

மேலும்