ஈரோடு புத்தகத் திருவிழாவை தமிழக கல்வித் துறையில் பல்வேறு மாற்றங்களுக்கு வித்திட்டுள்ள பள்ளிக் கல்வித் துறை செயலாளர் த.உதயசந்திரன் தொடங்கிவைத்தார். புத்தகத் திருவிழாவின் ஒவ்வொருநாளும் மாலை 6 மணிக்கு சிந்தனை அரங்க நிகழ்வு நடைபெறும். திராவிடர் கழகத் தலைவர் கி.வீரமணி, பேராசிரியர் சுகி.சிவம், பேராசிரியர் த.ராஜாராம், கவிஞர் ஆண்டாள் பிரியதர்ஷினி, பேராசிரியர் ஜெயந்தஸ்ரீ பாலகிருஷ்ணன் ஆகியோர் நிகழ்வுகளில் பங்கேற்கிறார்கள். திரைநட்சத்திரங்களான சிவகுமார், சத்யராஜ், ஆர்.பார்த்திபன் ஆகியோரும் பங்கேற்கிறார்கள். இலங்கை ஜெயராஜ் தலைமையில் பட்டிமன்றம், எல்.வாசுகி மனோகரன் தலைமையில் கருத்தரங்கம், நர்த்தகி நடராஜின் ஆடற்கலை ஆகிய சிறப்பு நிகழ்ச்சிகளும் உண்டு.