எண்ணம் சமர்ப்பிக்க Login செய்யவும்.

கரிய நிற பொட்டுவைத்து கடல் பஞ்சின் உடலெடுத்து.. சின்ன...

கரிய நிற பொட்டுவைத்து

கடல் பஞ்சின் உடலெடுத்து..
சின்ன சின்ன
நடை நடந்து
சிங்காரமாய்
நீ வந்தாய்!..

கூண்டுக்குள்ளே நீயிருந்தாய்!
குதுகாலாமாய் ஓடி வந்தாய்...

பத்து ரூபாய்
விலை வைத்து பறவையுன்னை
பசிக்குவிற்றான் ....

கதை பேச ஆயிரம் கவிபாட மகளிடம்!! களிப்போடும் கதறலோடும் அங்குமிங்கும்
நடை பயின்றாய்..

சிறுதானியக்கம்பும்
சிறு அலகால் கொத்திக்கொத்தி!! சின்னச் சின்ன நடைநடையால் சின்னப்பிள்ளையை சிறகாக்கி!!
சித்திரமே!
சிறு அழகே!
மகளை மானாட மயிலாக்கினாய்....

உன்னோடு வந்தவளை
உயிராகி மேய்ந்தவளை
மஞ்சள் சிறகோடு மகுடமாய் நின்றாலோ!!

சிறு பெட்டியில் சிறையாகி
சிறுவாணி தண்ணீரை
சிறு அலகால் நீ குடித்து
சின்னச் சின்ன கண்ணசைவால் சித்திரமாய் நீ நின்றாய்!!

மடி மீது கதை
சொல்லி
துணையோடு
நல்லிரவில்

துயில் கொண்டு வைகரையில் நீ எழுந்தாய் !

வைகரையில் எழுந்தோடி
வையகம் முடியவா?

காக்கையின் கரையலை நம்பி!!
கரிய நிற பொன்னழகே! காணாமல் நீ போனாய்?

க்ண்ணீரை காணிக்கையாக்கி கணப்பொழுதில் கற்சிலையாய்
கனத்த நெஞ்சை கழட்டிவைத்து
என்ன பதில் நான் சொல்வேன்

ந்ங்காத துயர் கொண்டு நீங்காத இடம் வைக்க இதயத்தோடு இதயமாய்
இதமாய் ! பயமின்றி
துணை தூங்க இதயத்தில் இடம் கொடுத்தாளோ!!

உன் துணை தூங்க
என் மகள் இரவில் இதயத்தில் இடம் கொடுத்தாளோ?.