எண்ணம்
(Eluthu Ennam)
தாய் மொழி
தமிழ் கவிதை
குறும்பா
குறும்பா என்பது ஒரே எதுகையையுடைய மூன்று அடிகளைக் கொண்டதாகவும் முதலாம் அடியின் மூன்றாம் ஆறாம் சீர்களும் மூன்றாம் அடியின் கடைசிச் சீரும் ஒத்த இயைபு கொண்டதாயும் அமைக்கப்படும் தமிழ்க் கவிதை ஆகும். ஆங்கிலத்தில் இதையொத்த கவிதை வடிவம் limericks எனப்படுகிறது. ஆனால் limericks ஐந்து வரிகளைக் கொண்டிருக்கும்.
மஹாகவியின் ஒரு குறும்பா:
"கற்பகத்தின் வெண்கழுத்திற் தாலி
கட்டுதற்கு முன்னின்றான் வாலி
அற்புதமாய் வாழ்ந்தார்கள்
ஆறு பிள்ளை பெற்றார்கள்
இப்பொழுதோ வேறு சோலி"
தேடல்
எல்லாம் உள்ள பணக்காரனின் தேடல்
மனநிம்மதிக்காக
அனைத்தையும் துறந்த ஞானியின் தேடல்
முக்திக்காக
எளிய ஏழையின் தேடல்
ஒரு வேலை உணவிற்காக
அரசியல்வாதியின் தேடல்
மேலும் உயர்ந்த பதவிக்காக
கூண்டிலிருக்கும் பறவையின் தேடல்
எல்லையில்லா வானத்திற்காக
பாயும் புலியின்
தேடல் இரைக்காக
துள்ளித் தப்பிக்கும் மானின்
தேடல் வாழ்விற்காக
மீனவனின் வலையிலிருந்து தப்பிக்க மீனின்
தேடல் அதிர்ஷ்டத்திற்காக
தேவைகள் பலவாயினும்
தேடல்கள் ஒன்றே
இல்லாத ஒன்றைத் தேடித்தேடி
நம் வாழ்க்கை நகர்கின்றதே!!!
