தடையிலா மின்சாரம் எப்போது ?
விலையிலா பொருட்கள் உண்டு
தடையிலா மின்சாரம் இல்லை !
இரவும் பகலும் பாரினில் உண்டு
இருநேரமும் மின்சாரம் இல்லை !
விண்ணிலோ மின்னிடும் மீன்கள்
மண்ணிலோ மின்சாரம் இல்லை !
விந்தைமிகு விஞ்ஞான வளர்ச்சி
வியத்தகு வேகத்திலோ உலகம் !
விண்வெளியில் வீரநடை அங்கே
மின்தடையோ நாளும் இங்கே !
தேர்தல் நேரத்திலோ ஒளிர்ந்திடும்
தேர்வுகள் காலத்திலோ இருண்டிடும் !
இருளிலே தவித்திடும் தமிழகமும்
விடியலைக் காண்பதுதான் எப்போது ?
விளக்கொளியில் படித்திடும் இவர்கள்
மின்னொளியில் வாசிப்பதுதான் எப்போது ?
பழனி குமார்
