+கொய்யாப்பழம் கோவித்துக்கொண்டது!+
சின்னக்குழந்தை ஒன்று
சிரித்தவாறு அருகில் வர
நான் முந்தி நீ முந்தி என்று
ஒவ்வொரு கொய்யாவும் போட்டி போட்டன
குழந்தையின் கரம்பிடிக்க..
மடியும் வேளை வந்தபோதும்
குழந்தையின் ஸ்பரிசத்தால்
உற்சாகமாய் கடிபட்டது
ஒரு கொய்யா!
தன்னை ரசித்து ருசித்து
உண்ணும் என நினைக்கையிலே
இரண்டு கடி கடித்துவிட்டு
தூக்கிப்போட்டு சென்ற
குழந்தையைப் பார்த்து
கோவித்துக்கொண்டது
கொய்யாப்பழம்!
