பெண் மனசு..!

பெண்ணோடு இணைந்தே ஏனோ பிறந்தது
போராடும் மனசு..!
கருவில் அழிக்க கம்பெடுப்போரை
கட்டிபோட போராட்டம்...!
பிறந்ததும் சாவை விரட்டி அடிக்க
தாயின் போராட்டம்..!
பள்ளி சென்று படித்துவர வீட்டார்
அனுமதி தேடி போராட்டம்..!
கன்னி பருவம் வாலிபர் நோட்டம்
காதலுடன் போராட்டம்..!
கல்யாண சந்தையில் காளையர் நடுவே
கணவனை தேடி போராட்டம்..!
பிடித்த கணவன் கைவிட்டு போகாது
காவல் காத்து போராட்டம்..!
பெற்றெடுத்த பிள்ளை பேணி வளர்க்க
பெரும்தவ போராட்டம்..!
தனிமையில் தவித்து தலைவிதி நொந்து
முதுமை முடிக்க போராட்டம்..!
போராடும் மனசே பெண் மனசு...! அது
பொல்லாதது ஆனாலும் பொன் மனசு..!