விடுமுறை நாளில் வீடுகள்
பள்ளிக்கு சென்று வருவதும் இன்று
பயணமாய் மாறியது !
அலுவலுகப் பணிக்கு செல்வதும்
அன்றாடம் சிரமாமகிறது !
அதிகாலை விழித்து அடுப்படியில்
அலுவல் புரியும் அம்மா !
பிள்ளைகளை எழுப்பி அனுப்பிட
பிசியாகும் பெற்றவர்கள் !
கணவன் சென்றதும் காலாறும்
களைப்புடன் மகளிர் !
வீட்டுப் பணிகளை முடித்திட
விட்டதில் தொடர்வது !
இடையினில் முடிந்திடா தொடர்களை
இடைவிடாமல் பார்ப்பது !
மாலைப்பொழுது வந்ததும் மாறிமாறி
மாலைக் காட்சிகள் மீண்டும் !
விடுமுறையே விருந்து இவர்களுக்கு
வீடே விளையாட்டு மைதானம் !
அமைதிப் பூங்காவான இல்லத்தில்
ஆரவாரம் அடங்கிடாது !
இருப்பவர் இதயங்கள் கொண்டாடும்
இல்லாத திருவிழா போல !
சிதறிக் கிடக்கும் பொருட்கள் எல்லாம்
சீரழிந்த சென்னை சாலைகள் போல் !
ஆளுக்கொருக் கைப்பேசியில் இருப்பர்
ஆவலுடன் பேச்சுடன் அளவிலாமல் !
இடமாறி அமர்ந்திருப்பர் இன்பமுடன்
இடைஇடையேதான் பேசிடுவர் !
அழையா விருந்தினரும் வந்திடுவர்
அன்புடன் அளவலாவிடுவர் !
வாக்கெடுப்பு நடந்திடும் மாலையில்
உண்டு மகிழ உணவகம் சென்றிட !
வீடு திரும்பியதும் நினைவுக்கு வரும்
விடுமுறை முடிந்தது என்று !
விடிந்ததும் தொடர்ந்திடும் நிகழ்வுகள்
விடுமுறை அடுத்து வரும்வரை !
பழனி குமார்
