வாழ்வில் வெள்ளை நிறம்
வாழ்வில் கண்டிடும் பல பொருட்கள்
வாழ்ந்திட நமக்கு உதவிடும் பலவிதம் !
நல்லவைக்கு உதவிடும் பலவும்
அல்லவைக்கு அடையாளம் சிலவும் !
அமைதியின் சின்னமோ வெண்புறா
சமாதன சின்னமும் வெள்ளைக்கொடி !
சூரியனின் வெப்பத்தில் உழைப்பவர்க்கும்
குளிர்ந்திடும் மனதும் வெண்ணிலவால் !
மங்கல முகமுடன் இருந்திட்ட மங்கையை
கைம்பெண்ணாய் காட்டும் வெள்ளை சேலை !
அரசியல் வாழ்வின் ஆரம்பமே வெள்ளை
ஆட்சிக்கு வந்ததும் ஆரம்பம் கொள்ளை !
வயதை காட்டிடும் தலையிலும் வெள்ளை
வயதானால் மாறிடும் மனதும் வெள்ளையாய் !
அகிலத்தை ஆட்டுவிக்கும் மாளிகை வெள்ளை
ஆனாலும் ஆள்பவரோ வெள்ளையர் இல்லை !
வெள்ளை உள்ளமுடன் வாழ்ந்தால் இன்றோ
வெற்றி பெறுவதே வாழ்வில் கானல் நீராகுது !
வெள்ளை நிறத்தின் பன்முகத் தோற்றங்கள்
வாழ்வில் காணும் வண்ணமிகு மாற்றங்கள் !
பழனி குமார்
