காணி நிலம் வேண்டும்
நொண்டிச் சிந்து
காணி நிலம் வேண்டும் - பராசக்தி
கட்டிடங்கள் இட்டு விற்பதற் கில்லை
தேனியைப் போல நிதம் - உழைத்து
தெள்ளு நெற்கதிர் விளைப்பதற்கே !
மானிட ஜாதிப்பசி - நீங்கி
மடமை பொறாமை அழிவதற்கே !
தானியம் மன்னுதற்கே - சக்தி
தாயே வேண்டுதும் காணி நிலம் !!
தட்டிப் பறித்தலில்லா - நிலத்தைத்
தாசில் தாரவர் முன்னிலையில்
பட்டாப் போட்டுநீ தா - பராசக்தி
பாரதத் தேவியின் கைகளிலே !
கட்டிபொன் செய்திடுவோம் - எங்கும்
கனிவகை கொஞ்சிடச் செய்திடுவோம் !
சட்டங்கள் வேதமெல்லாம் - யாரும்
சமமெனச் சொல்லிட ஆண்டிடுவோம் !
