தாள முடியலையே தாய்நாடே - மணியன்
முதல் தேதி
முணு முணுக்க வைக்கிறதே. . .
முதல் தேதி. . .
கடிகார முட்களாய்
காலமும் ஓடிடுதே. . .
களைப்பார நேரம் இல்லை. . .
பள்ளி சென்ற பிள்ளை
பாதி முடிப்பதற்கே என்
பாதை எல்லாம் பரமபதங்கள். . .
காய்கறி விலையில் இன்று
கார் கூட கிடைக்கிறதே. . .
சிம்னி விளக்கு போய்
சீமை எண்ணெயும் மறந்து விட்டது. . .
வண்டிக்கு எரிபொருள்
வருணனா வந்து ஊற்றுவான். . .
அடுத்தடுத்து கால் போட்டு
அவகாசம் கொடுக்கிறது தொலைபேசி பில். . .
முத்தான என் மகள்
முகூர்த்தம் தள்ளியது தங்கத்துக்காக. . .
எல்லா விலையும்
நில்லாமல் ஓடுகிறது. . .
தள்ளாடி நட்கிறது என் சம்பளம் மட்டும்.
தண்ணீர் கொடுத்து
தளர்ச்சி நீக்கி அதை
தள்ளி விடவோ முடியவில்லை. . .
தாள வில்லையே தாய்நாடே - யாம்
மீள ஒரு வழி கூறாயோ. . . ! ! !
