யுத்தம் செய்

மானிடர்களின் மடமையை விலக்க
இஸ்லாமியமும் முயலவில்லை...
கிறிஸ்‌தவமும் கிலிக்கவில்லை....
பௌத்தமும் போதிக்கவில்லை...
சிக்கீஹமும் சீர்படுத்தவில்லை...
முயன்றதில்,
சமயமும் சாதிக்கவில்லை..!
குலம் ஒன்றே...தேவன் ஒருவனே...
அனைவரும் அறிவோம்....
ஆனால் பலரும் உணரவில்லை...!
கோடி இந்துக் கடவுள்
கிறிஸ்தவம் இஸ்லாமியம்
கணக்கில் அடங்கா மேலும் பல கடவுள்
இவை அனைத்தும்...
சித்திரப்படைப்பில் ஓர் கருத்துச்சுரங்கம்...!
அவை கூறும் கருத்தை மறந்து
கதையின் கதாபாத்திரத்தை
கண்மூடி வணங்குகிறோம் !
கீதை....
கிருஷ்ணனை வழிபட மட்டுமல்ல...
அச்சத்தை நீக்க...
வீரம் தழைக்க...
தர்மத்தை தலைகாக்க....
மடமையை மங்கச்செய்ய...!
இதுவே அனைத்து மத வேதநூல் சொல்வது !
இதை மறந்தோம்
வேறு எங்கோ செல்கிறோம் !
இனியொரு யுத்தம் தொடங்கட்டும்
மதயுத்தமல்ல....
மதியுத்தம் !