நிந்திக்க வைக்காதீர் எங்களை
முன்னேறத் துடிக்கும் பெண்களே
முன்னரே வந்திங்கே நிற்பதேன் !
சமஉரிமை தேவையென போராடும்
சமகால பெண்களே இதுசரிதானா !
விண்ணில் கால்பதித்த கல்பனா
விண்ணளவு சாதித்தார் அல்லவா !
தொழுதிடும் அன்னை தெரசாவும்
தொட்டாரே அகிலத்து நெஞ்சங்களை !
வேங்கையாய் வாழ்ந்த பெண்களும்
மாணிக்கங்கள் அல்லவா மண்ணிலே !
வேடிக்கை இல்லை இது வேதனையே
வாடிக்கையாளரா நீங்களும் இங்கே !
அகமதில் ஆசையோ அளவிலமால்
முகமதை மறைப்பதும் ஏன்தானோ !
சாதனை புரிவது சாராயகடையிலா
சாக்கடையில் விழும் பெண்குலமே !
நாட்டை ஆண்டிட துடிக்கும் காலமிது
நாசமே அடைய குடிக்கும் காட்சியிது!
சிந்திப்பீர் சிறிதேனும் நீங்களும் இனி
நிந்திக்க வைக்காதீர் எங்களை இனி !
பழனி குமார்
