ஹைக்கூ சென்றியு கவிஞர் இரா இரவி
ஹைக்கூ ( சென்றியு ) கவிஞர் இரா .இரவி !
யாரும் உடைக்காமலே
உடைந்தது
வானவில் !
நேரம் இருப்பதில்லை
வஞ்சகம் நினைக்க
உழைப்பாளிக்கு !
குடிப்பவனின்
உயிர் குடித்தது
மது !
புகைபிடித்தல்
உயிர்க்கு
பகைபிடித்தல் !
துன்பமில்லை
சொல்ல முடிந்ததை மட்டுமே
நினைத்தால் !
கவனம்
சிறிய கல்
பெரிய விபத்து !
எல்லோரும்
இந்நாட்டு மன்னர்கள் சரி
குடிமக்கள் ?
இசையால்
பயிர் வளர்கிறது
மனிதன் ?
இருப்பதில்லை
காகத்தின் ஒற்றுமை
மனிதர்களுக்கு ?
கவனிக்கின்றன குழந்தைகள்
தாய்மொழி
கருவிலேயே !
வருந்தவில்லை காகம்
பொரிந்தது
குயிலின் குஞ்சு !
உணர்க
நம் கையில்
நம் உடல் நலம் !
எதிர்மறை சிந்தனைகளின்
அட்சயப்பாத்திரம்
தொலைக்காட்சி !
