பராபரமே -நாகூர் லெத்தீப்
எல்லாம் வகுத்து உலகை
பெருக்கி தொகுதியாக்கிய பராபரமே !
தத்துவம் தாங்கிய மனிதனை
படைத்து மறைந்து அருளும் பராபரமே !
உயிரை படைத்து உடலை தரித்து
உயிராய் இருக்கும் பராபரமே !
ஞான வொளியும் உண்மை
உணர்வும் தாங்கி நிற்கும் பராபரமே !
சத்தியத்தில் உதித்து மெய்
அறிவாக விளங்கிடும் பராபரமே !
தானாகி தனியாகி தீயாகி
துருவாகி அணுவாகிய பராபரமே !
மெய் ஞான மெய் அடியார்
மோனவளி கொடுத்திட்ட பராபரமே !
அருள் தேடும் அடியார்க்கு
அருவாய் நின்று அருளும் பராபரமே !
முக்தி வேண்டி நிர்ப்போர்ற்கு
முதலான மூலனே பராபரமே !
நல்லோர்ற்கு நாயகனே
தீயோர்க்கு சத்ரியனே பராபரமே !
கருணையாளனே உலகனே
தனித்தவனே உயிரே பராபரமே !
அனுதினம் அருள்பவனே
நிகரிள்ளாதவனே பராபரமே !
உலகை படைத்தவனே மனித
கருணை தரித்தவனே பராபரமே !
உலகிற்கு தலைவனே
உலகுயிர்க்கும் உயிரான பராபரமே !
பெரியோனே சிறியோர்க்கு
அருள்வோனே பராபரமே !
வல்லவனுக்கு வல்லவனே
அடியார்க்கு அடியானே பராபரமே !
உனை தேடும் உள்ளத்தில்
உதித்தவனே உண்மையான பராபரமே !
பண்பையும் அன்பையும்
நன்மையும் கொடுத்திடும் பராபரமே !
மனதில் உதித்து எண்ணத்தில்
தரித்த தாய்மையான பராபரமே !
நூரு தாய்மையின் அன்பாக
அடியேனை அருளும் பராபரமே !
நாயனே தூயவனே உலகிற்கு
உரிய தந்தையான பராபரமே !
நீயே அருளவேண்டும் எமது
வேண்டுதலே ஏற்கவேண்டும் பராபரமே !
