உயிர் தொட்டு செல்

சுமார் 92கோடியே சொச்ச மைல்கள்
உச்சத்தில் இருந்தும் கூட
தன் ஒளிக்கீற்றுகளை கொண்டு - சொல்லாமல்
தொட்டு செல்வான் கதிரவன் 

எல்லை ஈதென்றே  இல்லையென்றான
கொள்ளை குளிர் எழிலுடன் 
தன் அலை கைகள் கொண்டு - கரை
தொட்டு செல்வாள் கடல் மகள் ...

இங்ஙனம்,எங்கோ இருந்தும்
தன்மனம் கவர்ந்ததை தொட்டு செல்லும்
வித்தகர்கெல்லாம்  வித்தகனே ...

வரிவரியாய் வரி வரைந்து 
வரையும் வரிகளால்
என் உயிர் கயிறை தினம் திரிக்கும்
கவிதை  காதலனே ...

எழுதுகோல் தாங்கிடும்
நின்எழில் கைகளால் இல்லாதுபோயினும்
நின் சுட்டு விரலின் நுனி கொண்டேனும்
ஒரேமுறை என் உயிர் தொட்டு செல் ....