வேலையாள் எல்லாம் காளைமாடா
மிட்டார் மிராசுதார் பண்ணையார்
விட்டார் மக்களும் அழைப்பதை !
மனிதனாய் பிறந்தால் சமம்தானே
மண்ணிலே என்றும் வாழும்வரை !
கைகட்டி நிற்பர் குப்பனும் சுப்பனும்
கைநீட்டி ஊதியம் வாங்குவதாலே !
அடிமையா என்ன ஆண்மகன்தானே
அடிமையாய் இருந்தே பழகிட்டோம் !
பிரித்தது என்ன பிறந்திட்ட பூமியிலே
பிரித்து பார்ப்பதே காசும் பணமும்தான் !
வேலையாள் எல்லாம் காளைமாடா
வேலிதான் எதற்கு இடையில் அங்கு !
காலம் மாறியதால் ஞாலமும் மாறியது
கால் சட்டையே இன்று நவீனமானது !
தாழ்ந்த மக்களென தரணியில் கூடாது
தாழ்வு நிலையே உள்ளத்தில் கூடாது !
இணைந்தே இருப்போம் மனிதராய் நாம்
இருப்பவன் இல்லாதவன் பேதமின்றியே !
பழனி குமார்
