அழகான வாழ்க்கை ஆனந்தமாய்
அழகான வாழ்க்கை ஆனந்தமாய்,
அடர்ந்த காட்டில் அவைகளுக்கு !
அழிக்கும் அரக்கனாக அங்கும்,
அவதரித்த மிருகங்கள் மனிதர்கள் !
மனதில் இரக்கமே இன்றி,
மரங்களை வெட்டி வீழ்த்தி,
காட்டை நாடாக ஆக்கி,
நாட்டை நரகமாக ஆக்கிவிட்டோம் !
வாழ்க்கை அழிந்ததை எண்ணி,
வாழ்வையே தொலைத்தது வரிப்புலி !
கைப்பேசியில் நாம் பேசிட,
காணாமல் போனது குருவிகள் !
உலகம் நலமாக இருந்திட,
ஒருங்கிணைந்து பாதுகாப்போம் காடுகளை !
அனைத்தையும் காத்து வாழ்வோம் !
அழகான வாழ்க்கையை ஆனந்தமாய் !!
