காகிதப் பூவாக
காகிதப் பூவாக காய்கிறேன்
கண்டுகொள்ளாத உனக்காக !
காரணம் சொல்கிறாய் என்
காயங்களைக் காணாத நீ !
மாலையாக நினைத்து மலர்ந்த நான்
மயங்குகிறேன் தரையில் வீழ்ந்து !
நறுமணம் இல்லாதவன்தான் நான்
மனம்கூடவா இராது என்னிடம் !
மதுவைச் சுமந்து உன்னை
மயக்க நினைக்கவில்லை !
தயங்கி நின்றே மயங்கி
வீழ்கிறேன் காதல் சொல்லாது !
இறுதியாக இதோ
மணவறையில்
உன் காலடியில் நசுங்கிக் கிடக்கிறோம்
நானும் என் காதலும் !
உன் திருமணப் பரிசாக
எங்கள் உயிரை அள்ளித் தந்து !
