ஹைக்கூ சென்றியு கவிஞர் இரா இரவி
ஹைக்கூ ! சென்றியு ! கவிஞர் இரா .இரவி !
சொத்து சேர்க்காததால்
இன்றும் வாழ்கிறார்
பாரதி !
கொண்டாட்டம் விவசாயிக்கு
திண்டாட்டம் நெசவாளிக்கு
மழை !
பெருகுது வன்முறை
விலை உயர உயர
தங்கம் !
குறிஞ்சி போலவே
மலர்கின்றன
நல்ல திரைப்படம் !
உருவமில்லை
வருகை உணர்த்தியது
தென்றல் !
வாழ்வு குறைவு
வனப்பு அதிகம்
வானவில் !
மொழி அறியாவிடினும்
விழிகளால் பேசி விடுகின்றனர்
இளையோர் !
தடை செய்யுங்கள்
தயாரிப்பை
புகையிலை !
தடை செய்யுங்கள்
தயாரிப்பை
மது !
தடை செய்யுங்கள்
தயாரிப்பை
ஆயுதங்கள் !
விரல்களே
விழிகளானது
பார்வையற்றோர் !
பஞ்சமில்லை
கொடிகளுக்கும் கோடிகளுக்கும்
ஒழியவில்லை பஞ்சம் !
தொலைக்காட்சியில் ரசிக்கலாம்
இல்லத்தில் ரசிக்க முடியாது
பட்டிமன்றம் !
படித்துக் கொண்டே இருக்கிறோம்
புத்தகம்தான்
வாழ்க்கை !
.
