நாகரீகம் வளர்ந்தாலும் நாங்கள் பெண்களே

நாகரீக வளர்ச்சி என்றால்
நாணம் மறக்க சொல்லவில்லை
தொப்புளிலும் அக்குளிலும்
தோடு போட தேவை இல்லை .

பேருந்தின் பின் சீட்டில்
காம லீலை தேவையில்லை
பெற்றவர்க்கு பொய் சொல்லி
ஊர் சுற்றத் தேவை இல்லை .

புகைத்தலும் போதையும்
ஆணுக்கு நிகர் ஆக்காது
அடிமை என்று ஆகிவிட்டால்
அழித்திடாமல் விடாது .

உடலுறவின் உச்சத்தை
வலைத்தளத்தில் தேடாதே
மின்னஞ்சல் காதலினால்
கற்பை இழந்து வாடாதே .

நடை உடை மாற்றினாலும்
நளினம் கொஞ்சம் சேர்த்துக் கொள்
உற்று உற்றுப் பார்ப்போர் முன்
உடலை கொஞ்சம் மறைத்துக் கொள்


எம் மொழி பேசினாலும் பெண் என்று
உணர்ந்துகொள்
எந்த நாட்டில் வாழ்ந்தாலும்
கற்பை கண்போல் காத்துக் கொள் .