மரணம் தந்தாலும் தவறே இல்லை கவிஞர் இரா இரவி
மரணம் தந்தாலும் தவறே இல்லை ! கவிஞர் இரா .இரவி !
மண்ணில் இருந்து நெல்மணிகள்
விளைவிக்கிறான் மகத்தான உழவன் !
உலகத்தாரின் பசி போக்கும்
உழவன் தொழ வேண்டியவன்
என்றார் வள்ளுவர் !
மண்ணை நெல்லில் கலக்கின்றனர்
மனிதாபிமானமற்ற மனித விலங்குகள் !
அரசு அதிகாரிகளும் விலங்குகளுடன்
வைத்தனர் கூட்டணி !
சில நாட்கள் முன்னே
சிறு பிஞ்சுகள் குடிக்கும்
பாலில் தண்ணீர் கலந்தனர் !
அறம் செய்கிறான் உழவன்
பாவம் செய்கின்றனர் பாவிகள் !
மரண தண்டனையில் எப்போதும்
உடன்பாடு இல்லாதவன் நான் !
மரண தண்டனையில் உடன்படுகிறேன்
இவர்கள் விசயத்தில் நான் !
பாவத்தின் சம்பளம் மரணம் என்பார்கள் !
பாவிகளுக்கு மரணம் தந்தாலும் தவறே இல்லை !
பணத்திற்காக எதுவும் செய்யும்
பாவிகள் ஒழிந்தாலே நாடு நலம் பெறும் !
