முதலானாய் அம்மா
கருவறையின் கருப்பு நிறம் -
நீ எனக்களித்த முதல் நிறம்,
உன் குருதி திரித்து உணவளித்த பால் -
நீ எனக்களித்த முதல் சுவை,
உன்னதமாய் என் கன்னங்களில் முத்தம் -
நீ எனக்களித்த முதல் உணர்வு,
திருஷ்டி நீங்க என் முகத்தனில் பல மைப்பொட்டு -
நீ எனக்களித்த முதல் அழகு சாதனம்,
கவலைகளோடு கல்விக்கு சென்ற பள்ளி -
நீ எனக்களித்த முதல் பிரிவு,
முதல் முதலென முழுவதுமே முதலானதாய் அளித்து,
எந்தன் முழு முதற் கடவுளானாயே அம்மா...!
