காதலே
விளையாட்டாய் ஒருநாள்
கேட்டாய்...
உனை விட்டு
நான் விலகி சென்றால்
என்ன செய்வாய் என்று...
நானோ மௌனத்தை
மட்டுமே அன்று பதிலாய்
தந்தேன்...என் பதிலை
தெரிந்து கொள்ள தான்
உன் கேள்வியை இன்று
நீ நிஜமாக்கினாயோ?...
செவிகளை திறந்து கேட்டுகொள்
சொல்கிறேன் என் பதிலை...
உன் காதலை சுமந்ததால்
தாயான நான்
உன் தாரமாகாவிட்டாலும்
உன்னை தூரமாய்
விலகிவிட விடமாட்டேன்
என் இதயத்திலிருந்து...
என்றாவது ஒருநாள் நீயும்
புரிந்து கொண்டு தேடிவருவாய்
நான் என் இதயத்தில்
வளர்த்துவரும் நம்
காதல் குழந்தையை பார்க்க...
