வினோகயசுதபா
இந்தியத் தலைகள் தைக்கப்பட்ட
தேடலுதிர்த்த உடம்புகளினருகில்
குளிர்பிரதேசங்களிலீட்டிய
சுழியங்களின் எண்ணிக்கையில்
ஆச்சர்யங்கள் தடிக்க
கோடைக்காலமொன்றில்
கதவிடுக்கு கவ்விக்கொண்ட
இறந்த மரங்களின் அக்கால மெல்லிய
நவீனமொன்று இக்காலத்திலும்
செவ்வெனே ஆற்றியிருந்தது
வண்ணக் கலவையில்
தன் பணியை.
இதரப் பல விடயங்களுக்கு
பின் பக்கம் திருப்ப
மூன்றே மாதங்களில்
முடித்துவிட்டு பறந்துச் செல்லலாமென
கொட்டை எழுத்துக்களில்
ஏதேனும் பத்து கண்கள் சொக்கியிருக்கலாம்
வினோகயசுதபா கோச்சிங்
சென்டரில்..
எட்டு பருவக்கால தேர்வுகளும்
செய்முறை வகுப்புகளும்
தொங்கு தொங்கென்று தொங்கலாம்.
பத்தாவது சுற்றில்
சிறப்புச் சான்றிதழ்கள் கேட்கும்
அதிகாரியை என்னச் சொல்வது??
--கனா காண்பவன்
