பூமாலை
பூமாலை .....
பூக்கள் மாலையாய் வரிசையில்
பூவிழித் திறக்கும் சிசுவைக்கண்டு
பூரிக்கும் மனங்களைப் போன்று !
பூமாலை ......
பூத்துக் குலுங்குது பூமாலைகள்
பூப்பெய்த மங்கையை மனதார
பூத்தூவி வாழ்த்திட சூட்டிட !
பூமாலை .....
பூக்கடையில் மாலைகள் இங்கே
பூவிதழ் கொண்ட மங்கையரின்
பூமணக்கும் கூந்தலை அலங்கரிக்க !
பூமாலை .....
பூமாலைகள் வண்ண மயமாக
பூவுலகில் சுபவேளை நேரத்தில்
பூச்சரம் அணிந்திட பொழிந்திட !
பூமாலை .....
பூக்களின் அணிவகுப்பு மாலையாய்
பூவையர் சேலையில் காட்சியாய்
பூத்திடும் காண்கின்ற விழிகளும் !
பூமாலை ......
பூமழையும் பொழியும் மேலே
பூமாலையும் விழும் மேலே
பூவுடலும் பூதவுடல் ஆனாலே
பழனி குமார்
