என் ஜன்னல்

ஒற்றை ஐன்னல்,
கையில் தேநீர்,
வெளியே மழை.

பார்த்து ருசித்த ஜன்னல் எங்கே?
♦
ஒற்றை ஜன்னல்,
வெளியே மகளிர்,
மங்கையர் அழகு.

பார்த்து ரசித்த ஜன்னல் எங்கே?
♦
ஒற்றை ஜன்னல்,
சூரிய கதிர்,
பள்ளியின் விடுமுறை.

எனை எழுப்பிவிட்ட ஜன்னல் எங்கே?
♦
ஒற்றை ஜன்னல்,
மழையின் முதல்துளி,
மண்ணின் வாசம்.

ரசித்து சுவாசித்த ஜன்னல் எங்கே?
♦
ஒற்றை ஜன்னல்,
பரீச்சை நேரம்,
கதவுகள் அடைப்பு.

நான் சிறையாய் நினைத்த ஜன்னல்
எங்கே?
♦
ஒற்னை ஜன்னல்,
வெளியே கொலை,
இரவில் சிணுங்கல்.

நான் பயந்து உறங்கிய ஜன்னல்
எங்கே?
♦
ஒற்றை ஜன்னல்,
காதலி வருகை,
தூரத்து பார்வை.

நான் கூச்சம் கொண்ட ஜன்னல் எங்கே?
♦
ஒற்றை ஜன்னல்,
எதிரே கடை,
கூக்குரலில் வாங்குதல்.

நான் சோம்பேறியாய் கிடந்த ஜன்னல் எங்கே?
♦
ஒற்றை ஜன்னல்,
நடு ஜாமம்,
பேய்கள் வருமா!

திறந்து பார்த்த ஜன்னல் எங்கே?
♦
ஒற்றை ஜன்னல்,
மனிதர் நடக்கும்,
அவசர வாழ்க்கை.

நான் கற்றுத் தெரிந்த ஜன்னல் எங்கே?

வெளியூர் போன அவசரத்தில்
வந்து பார்த்தேன்.
ஜன்னல் இருந்த இடத்தில் சுவர்!

எனக்கு எல்லாம்
உணர்த்திய ஜன்னலே
யாருக்கோ உணர்த்த சென்றாயோ!??